காசு பணம் வந்தால் காக்கா கூட கலராகிறும்

 காசு பணம் இருந்தால் காக்கா கூட கலராகிரும்டா என்று பருத்தி வீரன் படத்தில் அமீர் ஒரு வசனம் வைத்திருப்பார். ஆழ்ந்து சிந்தித்து பார்த்தால் எதார்த்தமும் கூட 

பணம் அழகு இதனை எப்படி ஒப்பிடுவது அல்லது வேறு படுத்திப் பார்ப்பது என்று அல்லாமல் நிதர்சனம் என்ன என்பதனை புரிந்து கொள்ள முயல்வோம்.

பணம் என்ன செய்ய முடியும் ? என்ற கேள்விக்கு என்ன செய்ய முடியாது என்று தான் கேட்க தோன்றும். ஆனால் பணம் என்ன செய்கிறது என்ற பகுப்பாய்வுக்குள் சென்றால், பணம் தேவையை பூர்த்தி செய்கிறது மற்றும் ஆசையை நிறைவேற்றுகிறது.

தேவை பூர்த்தியாகும் பட்சத்தில் மனதில் ஒரு நிம்மதி குடி கொள்கிறது. ஆசை நிறைவேறும் போது மனதில் ஏகாந்தம் குடிக் கொள்கிறது. இந்த மனம் நிம்மதியாய் இருந்தால் ஆரோக்கியம் அது தானாக வருகிறது. 

ஆரோக்கியம் வரும் போது முகம் பொலிவாகிறது உடல் மினு மினுக்கிறது. அகத்தின் அழகை முகத்தில் காட்டுகிறது. பணம் வந்ததால் இது அனைத்தும் வந்தது என்ற மாயையில் நாம் மூழ்வியும் விடுவோம்.

ஆனால் இவை அனைத்தும் மன நிம்மதியால் வந்தது. இந்த நிம்மது தேவையை பூர்த்தி செய்து வரவேண்டிய கட்டாயம் இல்லை. தேவைகளை குறைத்துக் கொண்டு இருப்பதை திருப்தியாக ஏற்றுக் கொண்டு தேவையற்ற கவலைகளை விட்டால் இந்த நிம்மதி தானாகா வந்து விடும். 

சினிமா நடிகைகளும் அவர்கள் அழகும்;

முன்பெல்லாம் அழகு குறிப்புகள் இயற்கை மூலிகைகள் மூலம் அல்லது யோகா தொடர்ச்சியாக செய்து வந்தால் உடலில் இரத்த ஓட்டம் சீராகி உடல் அழகு பெரும் என்று பல உண்மையான விளம்பரங்கள் இருந்தன கடந்த நூற்றாண்டு அழகு என்பது நிறம் என்று திணிக்கப் பட்டது.

வெள்ளையாக இருப்பவர்கள் தான் அழகு என்று பல ரசாயன வேதியல் பொருட்களை இளம் பெண்களிடம் கொண்டு சேர்த்து இன்று பலர் கேன்சர் வரும் நிலையிலும் பலர் கேன்சராலும் பாதிக்கப் பட்டுள்ளனர்.

சினிமா நடிகைகள் முகத்தை அழகு செய்ய பிளாஸ்டிக் சர்ஜரி செய்து கொள்கிறார்கள் மற்றும் மார்பங்களையும் தான் இங்கு நிம்மதி யோ மனமோ தேவையில்லை தான் முழுக்க முழுக்க பணம் இருந்தால் போதும் தங்களை அழகாக்கிக் கொள்ளலாம். 

நாம் கண்முன் தற்போது பார்த்து வரும் பல நடிகைகள் தங்கள் மூக்கு தாடை, உதடு என தனித் தனி பாகங்களாக சார்ஜரி செய்து மாற்றி வைத்துள்ளனர். அவர்களுடைய பழைய புகைப்படங்களை பார்த்தால் அத்தனை வேறுபாடு உள்ளது.

தனிமனித வாழ்வில் எத்தனையோ பிரச்சனைகள் இருக்க ஏன் பெண்களை அழகு சாதனப் பொருட்கள் மூலம் அழகுப் படுத்த விளம்பரம் செய்கிறார்கள் என்ற உண்மையை அனைவரும் புரிந்து கொண்டாலும் தங்களால் அதிலிருந்து வெளிவர முடியாமல் தவிக்கின்றனர்.

அழகு பிறப்பில் இறைவன் கொடுத்தது அதனை முழுவதுமாக ஏற்றுக் கொள்ள மனம் இருந்தால் போதும் வாழும் சில நாட்கள் நிம்மதியாக நல்ல உணவுகளை உண்டு ஆனந்தமாக இருங்கள். 

எத்தனை நம்மை அழகுப் படுத்திக் கொண்டாலும் கலையும் மேகங்கள் போலவே அவை. அதனால் இயல்பான வாழ்வை ஆனந்தமாய் வாழ்வோம்.

பெண்களுக்கு மஞ்சள், கடலை மாவு, கனகாமரம் பூ இவைகள் போதும் அவர்களை அழகுப் படுத்த அதனை மிஞ்சி ஏன் உங்களையே நீங்கள் இழந்து கொள்கிறீர்கள். 

பெண்ணே பெரும் போதை தான் ஆணுக்கு நீங்கள் மெனக்கெட்டு உங்களை தனியாக அழகு படுத்த வேண்டிய அவசியம் புரியவில்லை.

வாழுங்கள் வளமுடன்….